Ish-trajneri i Prishtinës së Re, Elon Berisha tashmë edhe zyrtarisht ka marrë drejtimin e FC Malishevës.

Lajmi është bërë i ditur disa minuta më parë nga vetë klubi përmes një postimi në rrjetin social Facebook, shkruan Arbresh.info.

Berisha ka udhëhequr Prishtinën e Re drejt inkuadrimit në Superligë, si dhe e ka drejtuar në pesë xhirot e para, mirëpo u largua nga ky klub me marrëveshje të dyanshme.

POSTIMI I PLOTË I MALISHEVËS:

Elon Berisha është Kryetrajneri i ri i FC Malisheva

Kemi kënaqësinë të ju njoftojmë se kemi arritur marrëveshje me trajnerin, Elon Berisha i cili do të e udhëheqë Shtabin Teknik të klubit tonë.

Kryetrajneri i ri udhëhoqi Prishtinën e Re duke shkruajtur historinë, nga liga e dytë, deri në Superligë, aty ku e drejtoi për 5 xhirot e para.

Me Elonin kemi dakorduar rrugën tonë përpara, drejt objektivave tona, andaj jemi të bindur se bashkë do t’i arrijmë.

Në ditët në vazhdim do të prezantojmë edhe përbërjen e plotë të shtabit të ri teknik.

Mirë se vjen në familjen tonë, Elon!